Алтынньы 4 күнүгэр, улахан кылаас оҕолорун түмсүүтэ, учууталларга анаан хамаанданнан интеллектуальнай күрэҕи тэрийэн ыыппыттара. Мин бу оонньууну наһаа сөбулээтим. Күрэх араас түһүмэхтэринэн барбыта, ол курдук "Где логика”, мимиканнан таайтарыы, араас ситуациялар уо.д .а. Манна учууталлар үс хамаандаҕа арахсан ис сүрэхтэн кыһаллан күрэхтэстилэр. Хамаандалар бары да күүстээхтэр этэ, ол да буоллар, дьүүллүүр сүбэ быһаарыытынан Петр Егорович хамаандата бастаата. Учууталларбыт куруук маннык барытыгар көхтөөх буоллунар диэн баҕарабын. Джулия Лапева 6 кылаас.
Ааспыт нэдиэлэҕэ ыытыллыбыт тэрээһиннэр олус интириэһинэйдик ааспыттара, ордук музыкальнай инструменнары дьиэ кэргэнинэн оҥорон кэлтэрин сөбүлүү көрдүм. Манна музыкальнай инструменнар араастара олус элбэх этэ. Биһиги кылааспытыттан Бекренёва Лена 2 миэстэ буолбута. Оҕолор бары олус көхтөөхтүк кыттыбыттара. Өссө да маннык тэрээһиннэр буолалларыгар баҕарабын. Маннык күрэхтэри тэрийсиэхпин, ыытыһыахпын наһаа баҕарабын. Самира Николаева 5 кылаас.
Учуутал үлэтэ сүрдээх ыарахан,сылаалаах ол гынан баран интириэһинэй идэ. Бу үлэни оҕолор бэйэлэрин холонон көрөллөрүгэр, сыл аайы биһиги оскуолабытыгар учуутал күнүгэр анаан, бэйэни салайыныы күнэ буолар. Бу күнү оҕо бары долгуйа кэтэһэбит. Быйыл эмиэ үгэс курдук алтынньы 6 күнүгэр улахан кылаастар араас уруоктары үллэстэн алын кылаас оҕолорун үөрэттилэр. Сорох оҕолор переменҕа оҕолору аһаттылар. Бу кун куруук да буоларын курдук наһаа интириэһинэйдик ааста. Түмүгэр оҕолор бэйэлэрэ куоластаабыт " Бастыҥ учуутал- дублёр” номинацияҕа Лаптев Аким ( 11 кыл.), Берёзкин Максим (10 кыл.), Гуляев Валеан (10 кыл.) тигистилэр. Алёна Лаптева 7 кылаас.
|
