Кулун тутар 19 күнүгэр Орто Халыма куоракка биһиги оскуолабыт саха төрүт оонньууларыгар хабылыкка күрэҕи тэрийэн ыыппыта. Мин бу күрэххэ биһиги оскуолабыт чиэһин көмүскээн киирэн кытынным. Балаһыанньа быһыытынан оскуолаттан биирдии оҕо кыттыахтаах эбит. Барыта уон оскуолаттан кытыннылар. Оҕолор бэркэ оонньууллар эбит. Хабылыкка Вера Семёновна дьарыктаабыта, киниэхэ олус махтанабын.  Күрэх түмүгүнэн төрдүс буолтум. Мин санаабар саҥа дьарыктанан эрэр киһиэхэ үчүгэй көрдөрүү дии саныыбын. Уһунугар дьарыгырдахпына көрдөрүүм тупсан иһиэ. Түмүккэ: Щербакова Иванна 9 кыл. (гимназия) 1 мүнүүтэ 5 сөкүүндэҕэ 30 маһы хабан эрэллээхтик бастаата, иккискэ Бобохонова Амина 8 кыл. (Орто- Халыма), үһүскэ Павлов Андрей 7 кыл. (Налимскай). Онтон 21- 24 күнүгэр «Туундара туллуктара» куонкуруска кыттыбытым. Онно ырыаҕа, хоһооҥҥо уонна бэйэм айбыт хоһооммунан кытынным. Наһаа элбэх талааннаах о5о мустубут. Хомойуох иһин ырыабар иккис туурга тахсыбатаам. Эһиил хайаан да өссө күүскэ бэлэмнэнэн киириэм дии саныыбын. Хоһооҥҥо иккис туурга киирэн, этэҥҥэ ааһан, II истиэпэннээх лауреат буоллум, ону кытта бэйэм авторскай хоһооннорго эмиэ дипломант аатын ылан  наһаа үөрбүтүм. Хоһооммун этэ тахсарбар наһаа күүскэ долгуйбутум да, ону биллэрбэккэ, умнубакка салайааччым эппитин курдук туттан - хаптан этэҥҥэ түмүктээбитим. Дьарыктаабыт учууталбарбар махтанабыт үлэлэригэр үрдүк ситиһиини уонна дьоллоох олоҕу баҕарабын.

Джулия Лаптева 6 кылаас үөрэнээччитэ.