Саха Республикатын бастакы Президенэ Михаил Ефимович Николаев 1993 с. балаҕан ыйын 2 күнүгэр илии баттаабыт 532 №-дээх ыйааҕынан сыл ахсын алтынньы үһүс өрөбүлүгэр Ийэ күнэ бэлиэтэнэр. Маныаха оло5уран биһиги оскуолабытыгар алтынньы 14 күнүттэн 19 күнүгэр дылы араас тэрээһиннэр буолан аастылар. Ол курдук 1-11 кылаас үѳрэнээччилэригэр "Тапталлаах Ийэбэр” диэн открытка оноруутугар курэхтэһии биллэриллибитэ. Уопсайа 38 үѳрэнээччи кыттыыны ылбыт, түмүгэ маннык буолла:

1-4 кылаастарга:

3м – Волкова Алена-2кл, Кычкин Уйгун-2кл.

2м – Роббек Джулиана-4кл.

1м – Башмакова Анджелина-4кл.

5-8 кылаастарга:

3м – Кокорина Дарина-8кл, Дьячкова Надя-8кл.

2м – Оконешникова Аида-7кл.

1м – Лаптева Алена-8кл.

9-11 кылаастарга:

3м – Кокорин Айсен-11кл.

2м – Гуляев Валеан-11кл.

1м – Кан-Ту-Ири Люба-11кл.

Кыайыылаахтар грамотаннан на5араадаланнылар.                      

Алтынньы 16 күнүттэн оскуола5а "Ийэлэр талааннарыгар сүгүрүйэбит”  диэн талааннаах ийэлэр үлэлэрин быыстапкатын тѳрѳппүт комитета тэрийдэ (звеноттан биирдии ийэ кыттыыны ылла). Ийэлэрбит олус үчүгэйдик тигэллэр, баайаллар, о5уруону тиһэллэр уонна алмазнай мозаиканнан дьарыктаналлар диэн интэриэһиргии кѳрдүбүт уонна олус сэҥээрдибит. Алтынньы 18 күнүгэр "Күн Күбэй Ийэ” диэн күрэх буолан ааста. Бу курэххэ 1- 11 кылаастан биирдии ийэ кыттыыны ыллылар. Күрэхтэһии түѳрт түһүмэхтээх этэ. Бастакы түһүмэх «Саха талба – мааны таҥаһа», ийэлэр саха таҥаһын кѳрдѳрдүлэр уонна күрэхтэһии устата бу таҥастарынан кытыннылар. Иккис түһүмэх «Тииҥ мэйии, булугас ѳй», бу түһүмэххэ ийэлэр араас ыйытыыларга эппиэттээтилэр уонна ѳс хоһооннорун ситэрэн биэрдилэр. Үһүс түһүмэх «Сандалы остуолун мааныта» диэн. Манна ийэлэр араас минньигэс сахалыы аһы астаан, сахалыы иһиттэргэ киэргэтэн ууран а5албыттарын сѳ5ѳ - махтайа кѳрдүбүт. Тѳрдүс түһүмэх «Уран тарбахтар» диэн. Бу түһүмэххэ ийэлэр биир музыкальнай номер иһигэр кофе банкатын ѳҥнѳѳх кумаа5ыннан сахалыы стиллээх харандаас угар иһити киэргэтэн онордулар. Курэхтэһии түмүгүнэн ийэлэргэ барыларыгар араас номинациялар иҥэрилиннилэр, кыайыылаа5ынан маҥнайгы кылаас тѳрѳппүтэ Маргарита Евгеньевна Башмакова буолан "Күн Күбэй Ийэ”үрдүк аатын ылла. Ийэлэр бары сахалыы иһит бирииһинэн на5араадаланнылар. Ити курдук нэдиэлэбит олус интэриэһинэйдик ааста. Ийэлэрбит бу мероприятиеларга кѳхтѳѳхтүк кыттыбыттарын иһин бар5а махталбытын тиэрдэбит.