Биһиэхэ учуутал күнэ үрдүк тэрээһиннээхтик буолан ааста. Ол курдук оҕолор салайааччыларын, Ирма Владимировнаны кытта учууталларга анаан дьоро киэһэни бэлэхтээтилэр. Ис сүрэхтэн махтанан эҕэрдэлэрин тиэртилэр, хас биирдиилэригэр анал номинациялары толкуйдаан «Педагогическай Оскар» туттардылар. Онтон ол ааттарын барабаҥҥа уган бириистээх лотерея оонньонно. Бу киэһэттэн ыалдьыттар астынан тарҕастылар. Иккис күн өрүү буоларын курдук «Учитель дублёр» буолла. Манна улахан кылаастар кыра кылаастары үөрэттилэр. Биһиги тохсус кылаас кыргыттара повардаатыбыт. Повар үлэтэ наһаа сылаалаах эбит, ол гынан баран интириэһинэй. Самоуправление күнэ эмиэ наһаа үчүгэйдик, интириэһинэйдик ааста дии саныыбын. Түмүгэр оҕолор уопсай куоластааһыннарынан «Учитель дублёр» аатын 11 кылаас үөрэнээччитэ Кокорин Айсен буолла.
Таня Оконешникова Сылгы – Ытар орто оскуолатын 9 кылаас үөрэнээччитэ
|